Naghain ng not guilty plea ang self-confessed drug distributor na si Kerwin Espinosa sa mga kaso nitong may kaugnayan sa iligal na droga.
Nanindigan si Espinosa na inosente siya sa mga kasong isinampa sa kanya sa sala ni Judge Silvino Pampilo Jr. ng Manila Regional Trial Court Branch 26.
Maliban dito, may kinakaharap ding hiwalay na kaso si Espinosa kaugnay ng illegal possession of explosives and firearms sa ilalim naman ng Manila RTC Branch 20.
Nag-ugat ang kaso ni Espinosa nang salakayin ng mga awtoridad ang bahay nito sa Albuera kung saan nasamsam ang mga iligal na droga at iba’t ibang uri ng armas.
(Ulat ni Aya Yupangco)
