Tiniyak ni Manila Mayor Erap Estrada ang kaligtasan ng mga residente sa paligid ng oil depot sa Pandacan, Maynila.
Ayon kay Estrada, lumikha na siya ng technical compliance monitoring group na tututok sa ginagawang pag-dismantle ng ilang oil companies sa kanilang pasilidad.
Ito’y kasunod na rin ng pag-isyu ni Estrada ng demolition permit para sa mga ito.
Naniniwala si Estrada na sa susunod na taon ay tuluyan nang matatanggal ng Petron, Chevron at Shell ang kanilang mga tangke ng langis sa lugar.
By Jelbert Perdez | Aya Yupangco (Patrol 5)