Nakalaya nang muli si Jomel Advincula alias ‘Bikoy’ mula sa pagkakulong dahil sa kasong cyber libel.
Kusang sumuko si Advincula sa pulisya at naglagak ng 10,000 pisong piyansa.
Ang kaso ay isinampa ng negosyanteng si Zaldy Co dahil sa di umano’y pag-tag sa kanyang kumpanya sa ilang viral videos.
Una rito, naghain ng kasong sedisyon si alyas ‘Bikoy’ laban kina Vice President Leni Robredo at iba pang miyembro ng oposisyon dahil sa nag viral na “Ang Tunay Na Narcolist” videos.