Muli na namang niyanig ng lindol ang Batanes kaninang madaling araw, ilang araw lamang matapos ang kambal na pagyanig sa probinsya.
Sa tala ng Philippine Institute of Volcanology and Seismology (PHILVOCS), naramdaman ang magnitude 4 na lindol kaninang alas tres bente ng umaga at may lalim na labing pitong kilometro.
Naramdaman ang intensity 4 sa bayan ng Itbayat.
Pinawi naman ng PHIVOLCS ang pangamba na magkaroon ng tsunami.
Una nang niyanig ng kambal na lindol ang Itbayat, Batanes nuong nakaraang linggo kung saan umabot sa siyam ang nasawi habang nasira ang maraming imprastraktura sa lugar.
