Inatake ng hinihinalang mga miyembro ng Abu Sayyaf Group ang isang barangay sa Tipo-Tipo, Basilan.
Ayon kay Western Mindanao Command Spokesperson Major Filemon Tan Jr., nagkaroon ng putukan sa lugar matapos na lusubin ng mga bandido ang barangay Sungkayot.
Target umano ng grupo nina Furuji Indama at Isnilon Hapilon ang Army Headquarters ng 18th Infantry Battalion sa lugar.
Aniya, hindi pa makumpirma kung mayroon nang nasawi sa bakbakan dahil hinihintay pa nila ang ulat mula sa field.
Dahil sa kaguluhan, daan-daang mga residente ang lumikas na sa mas ligtas na lugar.
By Rianne Briones
