Hihilingin ng Senate Blue Ribbon Committee sa Chinese government na makipagtulungan sa imbestigasyon hinggil sa shabu shipment mula China na nakalusot sa Customs.
Sinabi ni Committee Chair Richard Gordon na sumulat na si Senate President Koko Pimentel kay Justice Secretary Vitaliano Aguirre hinggil dito dahil tungkulin ito ng ahensya sa ilalim ng mutual legal assistance treaty on criminal matters.
Ayon pa kay Gordon mahalagang makipag-ugnayan sa China dahil lalabas na nagkaroon ng Chinese conspiracy kung hindi makikipagtulungan ang Chinese authorities.
Samantala pinalaya na ng komite ang middleman na si Manny Li samantalang nasa custody pa rin ng Senado si Richard Chen na nadidiin sa kontrobersya sa shabu shipment.
By Judith Larino / (Ulat ni Cely Bueno)
SMW: RPE
