Isang lalaki ang patay sa sunog sa isang residential area sa Barangay Pineda, Pasig City, kahapon.
Kinilala ang biktima na si John Paul Lao, 21 anyos na narekober sa loob ng kanyang bahay sa Number 41, Banaag Street.
Ayon kay Fire Supt. Douglas Guiyab ng Pasig City Fire Bureau, mag-a-ala-5:00 ng hapon nang sumiklab ang sunog na umabot sa ikalawang alarma.
Walong bahay ang natupok habang nasa 20 pamilya ang naapektuhan.
Idineklara nang kontrolado ang sunog habang iniimbestigahan na ng mga otoridad ang sanhi ng pagkalat ng apoy.