Inaasahang papasok ngayong araw na ito sa PAR o Philippine Area of Responsibility ang isa pang bagyo na nasa Karagatang Pasipiko o nasa layong mahigit 1,000 kilometro silangan timog silangan ng Mindanao.
Papangalanang Onyok ang nasabing bagyo kapag nakapasok na ito ng Pilipinas.
Ayon sa Philippine Atmospheric Geophysical and Astronomical Services Administration (PAGASA), mababa ang tinatahak na direksyon ng bagyo na maaaring tumama sa eastern Mindanao subalit kung tataas ay tatama naman sa eastern Visayas sa susunod na linggo.
Samantala, ipinabatid ng PAGASA na hanggang bukas pa mararanasan ang mga pag-ulan sa malaking bahagi ng southern Luzon kabilang ang Metro Manila dahil sa epekto ng bagyong Nona.
By Judith Larino