Paiigtingin pa lalo ng PNP o Philippine National Police ang kanilang information dissemination campaign kaugnay sa kampanya ng pamahalaan kontra iligal na droga.
Ito ay matapos lumabas ang resulta ng survey ng SWS o Social Weather Station na nagsasabing kalahati ng mga Pilipino ay hindi naniniwalang nanlaban ang mga napapatay na drug suspects sa mga police operation.
Ayon kay PNP Spokesperson Chief Superintendent Dionardo Carlos, patunay dito ang mga napatay na 85 pulis at sundalo sa drug operations.
Ani Carlos, makikipagtulungan sila sa media upang maiparating sa publiko ang mga tunay na kaganapan sa mga operasyon kontra iligal na droga.
