Inaasahang magtutuloy-tuloy pa sa loob ng dalawa hanggang tatlong araw ang nararanasang pag-uulan sa malaking bahagi ng Luzon partikular sa Kalakhang Maynila.
Ito ay ayon sa PAGASA dahil sa patuloy na pag-iral ng hanging habagat na makaaapekto sa malaking bahagi ng Luzon at Visayas.
Partikular na makararanas ng katamtaman hanggang sa malalakas na pag-uulan ang kalakhang Maynila, Bataan, Zambales, Pangasinan, Benguet at Ilocos Province.
Pinag-iingat pa rin ng PAGASA ang mga residente sa mga nabanggit na lugar sa malaking posibilidad ng pagbaha at pagguho ng lupa bunsod ng inaasahang malalakas na buhos ng ulan.
Samantala, maulap naman na may kasamang mahina hanggang sa katamtamang lakas ng uulan, pagkulog at pagkidlat ang mararanasan sa Western Visayas at nalalabi pang bahagi ng Luzon.
Habang sa nalalabing bahagi ng Visayas at buong Mindanao, inaasahan naman ang mainit at bahagyang maalinsangang panhaon maliban sa ilang isolated rain showers.
Nanatili ring nakataas ang gale warning sa mga karagatan sa paligid ng hilaga at kanlurang bahagi ng Luzon.
—-