Hindi magiging madali ang pagpapatupad sa panukalang paggamit sa public transportation ng mga opisyal ng pamahalaan isang beses sa isang buwan.
Ito ay ayon kay Senate Majority Floor Leader Tito Sotto dahil tiyak na pagkakaguluhan at mag-uunahan sa pagpapakuha ng litrato ang publiko kapag makikita sa public transport ang mga popular na opisyal tulad nina Senador Manny Pacquiao at Congresswoman Lucy Torres.
Ani Sotto, tiyak na magdududlot lamang ito ng pagsisiksikan.
Sinabi naman ni Senador Sonny Angara, na ang hindi pagsakay ng karamihan ng mga government officials sa mga pampublikong tranportasyon ay patunay na hindi mahusay at hindi dekalidad ang ating transportation system.
Aniya, sa ibang bansa, ang mga bilyonaryo tulad nina Michael Bloomberg at mga artista ay sumasakay sa mga subway train dahil komportable, malinis at hindi masikip ang mga ito.