Ilang mga drivers ng Grab ang hindi nasiyahan sa bagong feature ng nasabing TNVS o Transport Network Vehicle Service kung saan hindi na makikita ang destinasyon ng mga nag-book na pasahero.
Ayon ito mismo kay Grab Philippines Country Head Brian Cu batay na rin sa kanilang natanggap na mga preliminary feedback.
Naniniwala si Cu na kinakailangan lamang ng panahon ng kanilang mga partner drivers para masanay sa kanilang bagong feature.
Itinuturing din ni Cu ang nasabing feature bilang bahagi ng retraining sa mga pasaway na Grab drivers.
Paliwanag pa ni Cu, umiiral lamang ang nasabing feature sa umaga at suspendido mula 10:00 ng gabi hanggang 4:000 ng madaling araw para na rin sa kaligtasan ng kanilang mga partner drivers.