(Updated)
Wala pa ring pasok sa mga paaralan sa ilang lugar sa bansa bunsod pa rin ng nararanasang malalakas na pag-ulan sa nakalipas na magdamag.
Kanselado ang klase ngayong araw sa lahat ng antas, pribado at pampublikong paaralan sa mga lungsod ng Maynila, Quezon, Navotas, Malabon, Mandaluyong, Taguig, Pasay, Marikina, San Juan, Las Piñas, Parañaque, Muntinlupa, Caloocan at bayan ng Pateros.
Gayundin sa mga bayan ng Aguilar, Bugallon, Basista at Dasol sa Pangasinan, iba, Subic at Olongapo City sa Zambales; Taytay, San Mateo, Cainta at Rodriguez sa Rizal; San Pedro sa Laguna, San Simon, Minalin at Sasmuan sa Pampanga at mga lalawigan ng Cavite at Bataan.
Samantala, wala namang pasok mula pre-school hanggang high school sa mga bayan ng Lingayen, Bayambang, Calasiao, Binmaley, Urbiztondo, Mangatarem at Dagupan City sa Pangasinan gayundin sa buong lalawigan ng Abra at Ilocos Norte.
Habang mula pre-school hanggang elementary naman suspendido ang klase sa mga pampubliko at pribadong paaralan sa bayan ng Magaldan sa Pangasinan.
—-