Balik-normal na ang operasyon sa Hong Kong International Airport sa kabila ng patuloy na kilos protesta sa lugar.
Sa ulat, wala na ang karamihan sa protester sa departure area sa Hong Kong terminal 1 at napipigilan na rin ng mga otoridad ang panghaharang sa mga pasaherong papasok sa paliparan.
Dahil dito, pinayuhan ng Manila International Airport Authority (MIAA) ang mga Pilipino at dayuhan na may nakatakdang magtungo sa Hong Kong na makipag-ugnayan sa kanilang mga airline company o travel agents para maayos ang kanilang byahe.
Nanatiling nakamonitor ang MIAA sa sitwasyon sa naturang paliparan.