May hamon si CBCP o Catholic Bishop’s Conference of the Philippines President at Davao Archbishop Romulo Valles sa mga miyembro ng media.
Ito’y sa harap ng iba’t ibang pagsubok na hinaharap ng bansa, isa na riyan ang naging pahayag ni Pangulong Rodrigo Duterte tungkol sa diyos.
Sa kaniyang homily kaalinsabay ng kapistahan ng San Pedro Cathedral sa Davao City, sinabi ng arzobispo na dapat ipagpatuloy lamang ng media ang pagbibigay ng tama at makabuluhang impormasyon sa publiko.
Mas mainam aniya sanang may kapupulutan ng aral ang mga balitang ihahahatid ng media sa publiko na may kaakibat na pananagutan sa pagbibigay impormasyon.
