Hindi bababa sa 21 katao ang sugatan matapos mahulog sa drainage ang kanilang sinasakyang pampasaherong bus sa Kidapawan City, Cotabato.
Ayon kay Cotabato Police Provincial Office Spokesperson Lt. Col. Bernard Tayong, binabagtas ng pampasaherong bus ang bahagi ng national highway sa Barangay Amas nang mawalan ng kontrol ang driver na si Jimmylu Jose.
Sinabi ni Tayong, madulas ang nasabing kalsada bunsod na rin ng naranasang pag-ulan doon.
Agad naman isinugod sa Cotabato Provincial Hospital ang mga nasugatang pasahero.