Lumutang na ang may-ari ng apartment sa Marawi City na di umano’y tinirhan ng tatlong buwan ni Abu Sayyaf Leader Isnilon Hapilon bago pa sumiklab ang giyera sa Marawi noong Mayo 23.
Ayon kay Superintendent Ebra Moxir, hepe ng Marawi Philippine National Police o PNP, nagpaliwanag na sa kanila ang mga may-ari ng apartment na hindi nila alam na si Hapilon ang isa sa kanilang tenants.
Sinabi ni Moxir na pinayuhan din nila ang mga may-ari ng apartment, na hindi pinangalanan, na magpaliwanag din sa militar kahit pa PNP ang may hawak ng imbestigasyon.
Napag-alamang ang apartment building ay pagma-may-ari ng isang empleyado ng Bureau of Internal Revenue o BIR na nakatalaga sa Cotabato City.