Walang kaugnayan sa international o local terrorism groups ang gun man sa isang rally sa Dallas, Texas.
Ayon sa Dallas police, walang criminal history ang suspek na si Micah Johnson, na isang army veteran.
Una nang sinabi ni Johnson sa mga negosyador na gusto niyang pumatay ng mga puting tao, lalo na ang mga puting pulis bilang pagganti sa pagkamatay ng dalawang itim na lalaki sa kamay ng mga pulis.
Natagpuan ng mga pulis sa bahay ni Johnson ang mga gamit sa paggawa ng bomba at iba pang armas.
Limang pulis ang nasawi habang siyam ang sugatan kasama ang dalawang sibilyan, bago nasawi si Johnson sa bomba na dala ng police robot.
By Katrina Valle
