Nakita na ni 2019 Miss Universe Philippines Gazini Ganados ang kanyang Palestinian na ama sa kauna-unahang pagkakataon.
Sa instagram post ni Gazini, makikita ang umaapaw na saya ng beauty queen nang makasalo sa hapunan sa kauna-unahang pagkakataon ang kanyang ama.
Ayon kay Gazini, nag-dinner sila ng kanyang ama sa pizza parlor kung saan aniya nagkakilala at nagkita ang kanyang mga magulang, 30 na ang nakakaraan.
Magugunitang sa mga naunang panayam kay Gazini, kanyang sinabi na isa sa mga dahilan ng kanyang pasiyang maging beauty queen ay ang mga pagkakataon na makapunta siya ng ibang bansa at maisabay ang posibilidad na madalaw ang ama sa Palestine.
Gayunman, hindi kinailangan pang magtungo ni Gazini sa Palestine dahil ang kanyang ama ang lumipad patungong Pilipinas.
