Suportado ng Malakaniyang ang hakbang na full audit ng PAGCOR o Philippine Amusement and Gaming Corporation sa lahat ng mga casino sa buong bansa.
Ayon kay Presidential Spokesman Ernesto Abella, bahagi ito ng hakbang ng pamahalaan na matiyak na ligtas ang lahat ng mga casino at hindi malagay sa kompromiso ang seguridad ng mga empleyado at mga parokyano nito.
Binigyang diin pa ni Abella, bilang gaming regulator, pananagutan ng PAGCOR ang anti-terror measures at sang-ayon sila sa obserbasyon ng Senado na silipin kung may naging kapabayaan ang pamunuan ng Resorts World Manila sa nangyaring trahedya.
Hangad ng palasyo na maipakita sa publiko at maging sa mga turistang nagtutungo sa bansa na ligtas na pasyalan ang Pilipinas dahil hindi terror kung hindi criminal act ang nangyari sa Resorts World Manila.
By: Jaymark Dagala / Aileen Taliping
