Excited nang mag-perform para sa kanyang mga Pinoy fans ang sikat na French DJ na si David Guetta.
Isa si Guetta sa mga itinuturing na superstar DJs ngayon na kauna-unahang DJ na nakaabot ng 2 billion streams sa Spotify, idagdag pa ang milyun-milyong followers nito sa social media.
Inaasahan ang matinding music at live show sa unity concert ni Guetta sa Araneta Coliseum mamayang gabi na unang musical event ngayong 2017 sa Pilipinas.
Nakatrabaho na ni Guetta ang ilan sa mga sikat na music stars ngayon kasama na sina Nicki Minaj, Rihanna, Madonna at iba pa.
Ilan sa mga pinasikat na hits ni Guetta ay ang ‘Turn Me On’, ‘Titanium’, ‘This One’s For You’, at ‘Crank It Up.’
