Pinangangambahan ang posibleng failure of elections sa Mindanao sa nalalapit na halalan sa Mayo.
Ito, ayon kay Cagayan de Oro Representative Rufus Rodriguez ay hangga’t hindi nareresolba ang pagpapasabog sa mga transmission towers ng National Grid Corporation of the Philippines o NGCP.
Sinabi ni Rodriguez na umaabot na sa 18 towers ng NGCP ang binomba ng ‘di pa kilalang grupo simula noong Enero ng nakalipas na taon.
Dahil dito, umapela ang mambabatas sa PNP at AFP na hubaran ng maskara ng sinumang grupo na nasa likod ng naturang pagpapasabog.
Umaabot sa 22 milyon ang populasyon sa Mindanao kung saan 11 milyon dito ang mga registered voters.
By Meann Tanbio |Jill Resontoc (Patrol 7)
