Binalaan ni PNP-National Capital Region Police Office Chief Guillermo Eleazar ang mga raliyista na hindi susunod sa kanilang napagkasunduang security arrangements para sa State of the Nation Address o SONA ng Pangulong Rodrigo Duterte.
Ayon kay Eleazar, bagamat nakahanda sila sa kung ano ang puwedeng mangyari, hindi makakabuti para sa mga raliyista ang hindi sumunod sa kanilang kasunduan.
Sinabi ni Eleazar na mapipilitan silang buwagin ang mga rally kung lilihis sila sa nakalatag na seguridad sa paligid ng Batasang Pambansa.
Batay sa kasunduan, limitado sa northbound lane ng Commonwealth Avenue mula sa Home Depot hanggang sa St. Peter Parish.
Maagang nagtipon-tipon ang mga raliyista para sa kanilang sariling State of the Nation Address.
Nagtipon sa Philcoa at UP Diliman ang mga raliyista kung saan binira nila ang patayan at pagtaas ng presyo ng bilihin sa ilalim ng Duterte administration.
Tatagal hanggang katanghalian ang kanilang programa malapit sa oblation at Philcoa bago tumulak sa Commonwealth sa St. Peters Church mamayang hapon kung saan may nakahanda silang stage.
—-