Inihayag ni Davao City Mayor at presidential aspirant Rodrigo Duterte na plano niyang bumisita ng Vatican.
Ginawa ni Duterte ang pahayag nang umani ng kaliwa’t kanang pagbatikos mula sa mga Katoliko matapos umanong murahin ang Santo Papa.
Sa isang post sa kanyang Facebook page, sinabi ni Duterte na magdo-donate siya ng P1,000 sa Caritas Davao sa bawat murang masasambit niya.
Bumisita na rin si Duterte kina Archbishop Romulo Valles at Bishop George Rimando, kasama si Monsignor Paul Cuison at Executive Assistant ng alkalde na si Bong Go.
Ayon kay Duterte, sinabon at pinangaralan siya ng obispo hinggil sa Christian values kung saan nangako naman itong sisikaping maiwasan na makapagmura.
By Jelbert Perdez