Nagpahayag si Pangulong Rodrigo Duterte ng kaniyang pagkadismaya sa pagkakasangkot ng ilang mga pulis sa umano’y pagre-recycle ng iligal na droga na nakukumpiska sa mga ikinakasang buy bust operation.
Sa talumpati ng Pangulo sa Malakaniyang, tuwirang sinabi nito na masama ang kaniyang loob dahil sa paglitaw ng tinaguriang “ninja cops”.
Ayon sa pangulo umasa siyang mailalayo sa katiwalian ang mga pulis nang kaniyang isulong ang dagdag-sahod sa mga ito.
Ngunit tila aniya hindi ito nakatulong at marami pa rin umano ngayon ang nasasangkot sa iligal na gawain.
