Pinapurihan ng Department of Justice ang naging papel ng mga piskal sa nakalipas na May 9 elections.
Sa inilabas na congratulatory note ni prosecutor General Claro Arellano, pinasalamatan nito ang lahat ng prosecutors dahil sa ginampanan nilang papel para 2016 national at local elections.
Sinabi ni Arellano na hindi magiging matagumpay ang nakalipas na halalan kung hindi dahil sa aniya’y indispensable participation ng mga prosecutor, partikular na ang mga city at provincial prosecutor na tumatayong Vice Chairmen ng kani-kanilang canvassing boards.
Ayon pa kay Arellano, maituturing din na priceless ang civic at patriotic duty ng bawat isa upang mapanatili ang paniniwala ng taumbayan sa konstitusyon at rule of law.
By: MeAnn Tanbio
