Bumuo ang Department of Justice o DOJ ng Task Force na hahawak sa mga kasong kriminal na isinampa laban sa mga police scalawags o mga nauugnay sa mga iligal na gawain.
Sa ipinalabas na Department Order Number 697 ni Justice Secretary Vitaliano Aguirre, kanyang inatasan si Senior Deputy State Prosecutor Severino Gana na pamunuan ang isang high level panel na binubuo ng 14 na mga prosecutors.
Kanilang tutukan ang pagsasagawa ng mga preliminary investigations sa mga reklamong inihain ng PNP-CITF o Counter Intelligence Task Force laban sa mga pasaway na police.
Batay sa ulat ng PNP-CITF, mahigit sa isang libong mga pulis ang nadadawit sa mga iligal na gawain tulad extortion, drug trafficking, illegal gambling, illegal logging, kindap for ransom, smuggling at maging pagkakaroon ng mga tagong yaman.
—-