Inamin ng Department of Justice (DOJ) na butas ang seguridad ng New Bilibid Prison (NBP) kasunod ng naganap na pagsabog dito kaninang umaga.
Ayon kay Justice Secretary Menardo Guevarra, nagsagawa na ng imbestigasyon si Bureau of Correction (BuCor) chief Gerald Bantag sa Quadrant 4 ng Bilibid kung saan naganap ang pagsabog.
Aniya, nainspeksyon na ang lugar kung saan hinihinalang sumabog ang isang improvised explosive device.
Una nang sinabi ni NCRPO chief Guillermo Eleazar na maituturing na ‘major security breach’ ang nangyari dahil nagawang makapagpasok ng mga pampasabog sa loob ng pambansang piitan.
