Sugatan at duguan ang isang hindi pa kilalang commuter matapos maipit ng pampasaherong bus sa Edsa, Guadalupe dakong 4pm kanina.
Ayon kay Celine Pialago, spokesperson ng MMDA, hinahabol ng pasahero ang bus upang makasakay ito ngunit hindi ito nakasampa at nagulungan ng bus ang ibabang parte ng katawan nito.
Ani Pialago, hindi pa tukoy ang pagkakakilanlan ng driver ng bus ng Armi Josh Transport na may plakang TYU-313 matapos umanong tumakas nito.
Kasalukuyan pang pinaghahanap ng otoridad ang driver.
Samantala agad namang naisugod ang pasahero sa pinakamalapit na ospital.
