Sama-samang sisisid ang daan-daang scuba divers mula sa iba’t ibang panig ng mundo sa pinagmamalaking Tubbataha Reef simula ngayong buwan.
Ayon kay Commander Armand Balilo, tagapagsalita ng Philippine Coast Guard, kinabibilangan ang mga divers ng marine biologist at mga scientist para magmasid sa nasabing karagatan.
Tinatayang aabot sa 600 ang species ng tropical fish, halos 400 species ng soft at hard corals gayundin ng iba’t ibang marine creatures tulad ng pating, dolphin, balyena, mga pawikan at iba pang mga pambihirang species ang kasalukuyang nabubuhay sa Tubbataha.
Dahil dito, sinabi ni Balilo na nakapuwesto na ang kanilang Hospital Ship na BRP Batangas para agad mabigyang ayuda ang mga emergency na maaaring kaharapin ng mga diver habang nasa 13 ektaryang karagatan.
By: Jaymark Dagala