Isinailalim na sa tatlumpung (30) araw na preventive suspension ang Dimple Star bus matapos masangkot sa malagim na akasidente Sablayan, Occidental Mindoro na ikinasawi ng labing siyam (19) katao.
Kasunod na rin ito nang personal na pagtungo ni Land Transportation Franchising Regulatory Board (LTFRB) Board Member Aileen Lizada sa tanggapan ng Dimple Star Bus sa Sampaloc, Maynila.
Sampung unit ng bus company ang sakop ng nasabing suspension order.
Kasabay nito, tiniyak ng LTFRB ang tulong pinansyal sa pamilya ng mga biktima matapos atasan ang insurance company ng bus company na kaagad iproseso ang claims ng pamilya ng mga nasawi sa aksidente.
—-
