Walang pag-aalinlangang sinabi ng You With Me star na si Devon Seron na handa siyang makatrabahong muli si James Reid.
Ani Devon, wala itong problema sa kanya dahil hindi naman sila magkaaway.
Iginiit niya na professional naman siya at wala umanong imposible.
Dagdag ng dalaga, hindi naman siya namimili ng proyektong dumadating sa kanya.
Sina Devon Seron at James Reid ay naging magka-love team noong nasa Pinoy Big Brother o PBB House pa sila sa Teen Clash edition at tinawag na JaeVon ang kanilang love team.
Inamin noon ni James na wala silang closure ni Devon at bigla na lamang silang nawalan ng komunikasyon.
Samantala, ang You With Me ay isang Korean movie kung saan makakasama ni Devon ang dalawang Korean Actors na sina Hyun Woo at Jin Ju-Hyung na ipapalabas sa Setyembre 27 sa mga sinehan nationwide.