Dating PDEA Dir.-Gen. Santiago itinalaga ng Pangulo sa Dangerous Drug Board

Itinalaga na ni Pangulong Rodrigo Duterte bilang Chairman ng Dangerous Drugs Board si dating Philippine Drug Enforcement Agency Director-General  Dionisio Santiago kapalit ni Benjamin Reyes.

Ayon kay Presidential Spokesman  Ernesto Abella, ang pagkakatalaga kay  Santiago sa drugs board at pagbabalik gobyerno nito ay malaking tulong sa kampanya kontra droga ng Pangulo at mithing makamit ang  Drug-Free Philippines.

Hindi anya matatawaran ang husay at adbokasiya ni  Santiago sa paglaban sa iligal na droga na naging plataporma ni Pangulong Duterte noong  tumakbo ito sa 2016 Presidential Elections.

Magugunitang  sinibak ni Duterte si Reyes dahil sa taliwas nitong pahayag hinggil sa bilang ng mga drug addict sa bansa na 1.8 milyong gayong ang ipina-pangalandakan ng punong ehekutibo ay nasa 4 na milyon.

 By: Drew Nacino / Aileen Taliping

Comments

comments