Isinasailalim na sa testing ng National Grid Corporation of the Philippines ang Ormoc Substation bago tuluyang maging operational ilang araw matapos ang pagtama ng magnitude 6.5 na lindol sa Leyte.
Ayon kay N.G.C.P. Spokesperson, Atty. Cynthia Alabanza, natapos na nila ang testing ng Tabango-Ormoc bypass line na magsu-supply ng kuryente sa Leyte, Cebu, Bohol at Biliran.
Operational na rin anya ang Bohol Electric Cooperative at nagsusupply na ng kuryente sa mga bayan ng Antiquera, Panglao, Loay, Maribojoc at Tubigon.
Tiniyak naman ng N.G.C.P. sa publiko na patuloy nilang tinututukan ang sitwasyon upang maibalik ang power supply sa mga apektadong lugar.
By: Drew Nacino
Ormoc Electric Sub station isinasailalim na sa testing ng NGCP was last modified: July 9th, 2017 by DWIZ 882