Nanindigan si COMELEC o Commission on Elections Chairman Andy Bautista na hindi siya magbibitiw sa tungkulin o maghahain ng leave of absence.
Ito ang inihayag ni Bautista sa kabila ng nakatakdang pagtalakay ng mababang kapulungan ng Kongreso sa inihaing impeachment complaint laban sa kanya sa susunod na linggo.
Ayon kay Bautista, ito aniya ang kanyang naging desisyon matapos dumaan sa soul searching at mataimtim na pagdarasal sa dinadanas na marital problem.
Gayunman sinabi ni Bautista na patuloy pa rin niyang ipinagdarasal at pinagninilayan ang mga hakbang na kanyang gagawin para sa ikabubuti ng kanyang pamilya at kapakanan ng bansa.
SMW: RPE
