Nakakaapekto pa rin sa hilagang Luzon ang tail-end o buntot ng cold front.
Maulap na kalangitan na may mahina hanggang katamtamang mga pag-ulan at pulu-pulong pagkidlat-pagkulog ang mararanasan sa mga rehiyon ng Ilocos, Cordillera, Cagayan Valley at Gitnang Luzon.
Iiral naman sa Metro Manila at nalalabing bahagi ng bansa ang bahagyang maulap hanggang sa maulap na kalangitan na may pulu-pulong mga pag-ulan o pagkidlat-pagkulog.
Katamtaman hanggang sa kung minsan ay malakas na hangin mula sa hilagang-silangan ang iiral sa dulong hilagang Luzon at silangang bahagi ng Luzon.
Ang mga baybaying dagat nito ay magiging katamtaman hanggang sa kung minsan ay maalon.
Sa ibang dako, ang hangin ay magiging mahina hanggang sa katamtaman mula sa hilagang-silangan hanggang sa silangan na may banayad hanggang sa katamtamang pag-alon ng karagatan.
By Jelbert Perdez
