Nakatakdang dumating ang kinatawan ng BSP o Bangko Sentral ng Pilipinas sa Philippine Coast Guard (PCG) sa Cagayan de Oro City.
Ito ay upang magsagawa ng imbestigasyon kaugnay sa tatlong (3) lalaking may dala ng malaking halaga ng pera na nakasilid sa kahon na patungo sanang Cebu.
Ayon kay PCG Spokesman Commander Armand Balilo nasa kabuuang tatlumpo’t dalawang milyong piso (P32-M) ang halagang dala ng tatlong lalaking nagpakilalang empleyado ng bangko.
Paglilinaw naman ni Balilo, nais lamang nilang masigurong lehitimo ang transaksyon ng mga nasabing lalaki at hindi itunuring na mga persons of interest.
Kasalukuyang nasa kustodiya pa rin ng PCG Cagayan de Oro City ang tatlo.
By Krista De Dios | With Report from Aya Yupangco