Dismayado si I-ACT o Inter-Agency Council on Traffic Chairman at Transportation Undersecretary Tim Orbos dahil sa napakaraming pasaway na motorista sa kalsada
Ito’y makaraang lumabas sa talaan ng I-ACT na dumoble pa ang bilang ng mga nahuhuling lumalabag sa batas trapiko bunsod ng pinaigting na kampanya kontra sa mga pasaway na motorista.
Batay sa tala, aabot sa mahigit 4,000 ang mga nahuhuling lumalabag sa batas trapiko mula Enero hanggang Mayo ng kasalukuyang taon.
Mas mataas ito kumpara sa 1,339 na naitalang lumalabag sa batas trapiko mula Setyembre hanggang Disyembre noong isang taon.
Nangunguna sa mga ito ang mga nagmamaneho ng sirang sasakyan, nagmamaneho ng kolorum na sasakyan, illegal parking at out of line violations.
Bagama’t maituturing na magandang achievement ng gobyerno ang mataas na apprehension rate, inaashan naman ni Orbos na lalaki pa ang bilang ng mga mahuhuli nilang pasaway na motorista.
