Halos tatlong daang (300) pulis ang nag-positibo sa iligal na droga.
Ayon sa record ng Philippine National Police – Internal Affairs Service (PNP – IAS), karamihan sa 296 policemen ay gumagamit ng shabu base sa isinagawang drug test sa halos dalawangdaang libong (2,000) opisyal at miyembro ng PNP.
Ang mga nag-positibo sa drug test ay isasalang pa sa confirmatory test at kapag nag-positibo muli ay kakasuhan na ng administratibo at kriminal at tuluyang mapapatalsik sa puwesto.
Bukod dito, matatandaang nagbabala din si PNP Chief Director General Ronald Dela Rosa na sisibakin sa puwesto ang sinumang pulis na mahuhuling nagsusugal sa loob ng mga casino.
Ayon kay Dela Rosa, mahigpit na ipinagbabawal ng Pangulo ang nasabing gawain kahit pa legal ang pera na gagamitin ng mga ito.