Nilinaw ni Vice President Leni Robredo na hindi siya ang babaeng kumakalat ang larawan sa social media na nakababa ang manggas ng suot na damit habang nagpababakuna laban sa COVID-19 ,na siyang umani ng mga pagpuna mula sa netizens.
Batay sa Facebook post ni Robredo, si Dr. Flordeliza Grana, isang pediatric surgeon sa Amang Rodriguez Memorial Medical Center (ARMMC) ang babae sa larawan at hindi siya.
Depensa ni Robredo, may butas o slit ang manggas ng blouse na suot ng Doktora kaya’t hindi na nito iniangat pa ang manggas ng damit para maturukan ng bakuna.
Samantala, mariin namang pinaalala ng kampo ni Robredo batay sa Facebook page post nito ang kahalagahan ng tamang impormasyon.
″Muli naming binibigyang diin ang kahalagahan ng tama at makabuluhang impormasyon sa panahong ito. Huwag basta-bastang mag-assume. Maging mapagmatyag at mapanuri sa mga nababasa sa social media, at i-report ang mga nagpapakalat ng kasinungalingan,″ayon sa kampo ni Robredo.
Magugunitang hindi ito ang kauna-unahang pagkakataon na may nagpakalat ng fake news ukol sa Bise Presidente.— sa panulat ni Agustina Nolasco
[A] FAKE NEWS ALERT! Mariin naming pinabubulaanan na si VP Leni ang babaeng binabakunahan sa litratong ito na kumakalat…
Posted by VP Leni Robredo on Tuesday, 2 March 2021
This is ridiculously funny Hindi po ako yan♀️
Ayoko na sanang patulan pero ang daming nagpapadala ng mga…
Posted by Leni Gerona Robredo on Tuesday, 2 March 2021
Lesson : Hindi lahat ng nakita mo ay tama
Kailangan mong pakinggan at alamin ang bawat angulo bago ka maniwala.Dr. Flordeliza Grana, a pediatric surgeon.
Posted by Emmanuel Tampos on Tuesday, 2 March 2021