Malapit nang maabot ng Administrasyong Duterte ang target nitong 1 Milyong drug surenderees bago matapos ang taong 2016.
Batay sa pinakahuling tala ng Philippine National Police o PNP mula nuong Hulyo 01, sumampa na sa 900,000 ang mga sumusukong nagtutulak at gumagamit ng iligal na droga.
837,000 rito ang gumagamit habang 70,000 naman sa nabanggit na bilang ang nagtutulak ng ipinagbabawal na gamot.
Samantala, pumalo na sa mahigit 2,100 ang bilang ng mga napapatay dahil sa kampaniya kontra droga ng pamahalaan habang nasa 3000 naman ang mga kaso ng tinatawag na death under investigation.
By: Jaymark Dagala