Malapit nang simulan ang paghuhukay sa isang construction site sa loob ng Department of Justice (DOJ) .
Ito’y kung saan natagpuan ang mga kalansay ng tao.
Sinabi ni DOJ Secretary Jesus Crispin Remulla, kumuha na ng samples ng lupa ang UP anthropology para matukoy kung kailangan pang maghukay sa paligid ng lugar.
Maliban dito, hindi nila inaalis ang posibilidad na may makita pang kalansay ng tao makaraang matagpuan ang mga buto ng tao na pinaniniwalaang ilang dekada nang nakalibing sa naturang lugar.
Nakatakda namang magpulong sina Justice Secretary Remulla at Forensic Pathologist Dr. Raquel Fortun, kaugnay sa autopsiya ng labi ng Persons Deprive of Liberty (PDL) mula sa new bilibid prison na naiwan sa isang funeral homes.
