Inaalam ngayon ng MIAA o Manila International Airport Authority ang pagkakakilanlan ng may-ari ng isang kulay asul na pouch bag na naiwan sa Ninoy Aquino International Airport (NAIA) Terminal 3.
Ayon sa ulat, nagpapatrolya ang security guard na si Alfredo Baldosa nang kanyang makita ang pouch bag na naglalaman ng 5,500 US dollars.
Walang nakitang anumang identification sa naturang bag.
Itinurn-over ni Baldosa ang nasabing pouch bag sa lost and found section ng MIAA.
By Meann Tanbio | Report from: Raoul Esperas (Patrol 45)