Sang – ayon si Senate President Koko Pimentel sa naging pahayag ni Pangulong Rodrigo Duterte na posibleng sumiklab muli ang giyera sa Mindanao.
Ito ay kapag hindi naipasa ng Kongreso ang Bangsamoro Basic Law o hindi naisulong ang Federalismo.
Ayon kay Pimentel , layunin ng BBL at Federalismo na matugunan ang problema sa Mindanao lalo na ang usapin ng peace and order.
Nauna rito , tiniyak ni Sub – Committee on the BBL Chairman Senador Juan Miguel Zubiri na aaprubahan nila sa Senado ang BBL kung saan target nila itong maipasa sa Marso bago mag – break ang sesyon ng Kongreso.
