Itinanggi ni Arci Muñoz na may ispesyal na namamagitan sa kanila ngayon sa kapwa nito Kapamilya star na si Daniel Matsunaga.
Ayon kay Arci, malabong magkaroon sila ng relasyon ni Daniel sa ngayon.
Ito ay dahil sa mayroon aniya sila ng pinirmahang kontrata sa isang show sa Dos na kinakailangan nilang maging single sa loob ng anim (6) na buwan.
Sa kabila nito, nagpapasalamat naman si Arci sa mga fans ng ‘Darci’ o ang Daniel Arci tandem na nabuo sa reality competition na I Can Do That.
Matatandaang parehong single ngayon ang dalawa dahil sa hiwalay na si Arci sa longtime boyfriend nitong si Badi del Rosario habang si Daniel naman ay break na sa aktres na si Erich Gonzales.
By Ralph Obina
