Kinasuhan pa ng apat na bilang ng libel ni Executvie Secretary Salvador Medialdea si Special Envoy to China Ramon Tulfo.
Ang dalawang bilang ng libelo sa ilalim ng revised penal code at dalawang bilang ng libel sa ilalim ng anti-cybercrime law ay isinampa ni Atty. Elvis Balayan, abogado ni Medialdea laban kay Tulfo sa Manila Prosecutors Office.
June 17 nang unang kinasuhan ni Medialdea ng libel si Tulfo dahil sa malisyoso anitong artikulo ng kolumnista laban sa kaniya.
Inakusahan ni Tulfo si Medialdea na mayroong unholy alliance kay PCSO Board Member Sandra Cam.
Hinaharang din aniya ni Medialdea ang reward money sa isang Felecito Mejorada.
