Nangangamba si Constitutional Law Professor Antonio La Viña na posibleng magamit ang anti-terror bill laban sa mga hindi naman talaga terorista.
Ito’y matapos tawagin ni Senate President Vicente Tito Sotto III na terorista o tagasuporta ng terorista ang mga tutol sa naturang panukalang batas.
Ayon kay La Viña, ito ang nakikita niyang problema sa naturang panukala kung saan maaari ng akusahang terorista o tagasuporta ang tumutol lang naman sa anti-terror bill.
Giit ni La Viña, hindi mareresolba ng naturang panukala ang problema ng bansa sa terorismo sa halip ay magdadagdag ito ng takot sa mga ordinaryong mamamayan.