Mariing itinanggi ni Angeles Pampanga Mayor Edgardo Pamintuan ang alegasyong sangkot siya sa iligal na droga.
Kasunod ito ng pagkakasama ni Pamintuan sa listahan ng NAPOLCOM ng mga alkaldeng tinanggalan ng police supervision at kontrol.
Ayon kay Pamintuan, buo ang kanyang suporta at pag-sunod sa kampanya ni Pangulong Rodrigo Duterte kontra iligal droga lalu’t siya nakatalagang National President ng League of Cities of the Philippines.
Giit ni Pamintuan, kilala siya ng kanyang mga nasasakupan at maging ng PNP Angeles na kaniyang nilalabanan ang paglaganap ng iligal sa droga.
Itinanggi rin ni Pamintuan na meron siyang mga hininging anumang pabor sa pulisya na may kaugnayan sa iligal na droga.
Kasunod nito, hiniling ni Pamintuan sa PNP at NAPOLCOM na i-validate mabuti ang mga nakuhang ng mga itong impormasyon.