Binigyan ng espesyal na regalo ng aktres na si Angel Locsin si Liza Soberano.
Ito ay matapos na pormal nang inanunsyo na si Liza na ang bagong gaganap na Darna sa pelikula.
Sa instagram post ni Angel, kanyang ibinahagi ang larawan ng tatlong (3) Darna comics na aniya’y sobrang espesyal sa kanya.
Ayon kay Angel, ang mga nasabing komiks ay ibinigay sa kanya noong una siyang gumanap na Darna para kanyang mapag-aralan ang karakter nito at sampung taon aniya itong itinago.
Matapos malaman na si Liza na ang napili para maging Darna ay ipinaabot ni Angel ang mga nasabing komiks para makatulong.
Ani Angel, katulad ng bato ni Darna, ang mga nasabing komiks ay ipinapasa niya na sa susunod na kanya at umaasang ibibigay rin ito ni Liza sa mga susunod sa kanya na gaganap ding Darna.
Kasabay nito, nagpaabot din ng pagbati si Angel at naniniwalang magagampanan ni Liza ang karakter na Darna nang mahusay.
By Krista De Dios
Photo Credit: Angel Locsin Instagram Account
