Pinasalamatan ng aktres na si Kim Chiu, ang Metropolitan Manila Development Authority (MMDA) matapos na tanggapin ng ahensya ang paliwanag ng aktres sa viral dance video na umano’y kuha sa kahabaan ng EDSA.
Ang naturang pagpapaliwanag ni Chiu, ay naganap sa isang virtual meeting kasama si MMDA General Manager Jojo Garcia, kung saan iginiit ng aktres na sa isang parking lot kinunan ang video at hindi sa kahabaan ng edsa.
Dagdag pa ni Chiu, hindi umaandar ang kanyang sasakyan habang sumasayaw ito.
Kasunod nito, pinaalalahanan ng mmda si Kim Chiu sa mga umiiral na batas trapiko, at dapat anila itong sundin ng bawat isa.
